Mbajtëse Çelësash Hunter x Hunter

Mbajtëse çelësash jo si gjithë të tjerat. Në të janë vendosur imazhet e disa personazheve kryesorë të animes Hunter x Hunter. Blije si një dhuratë të vetme ose në set.

Pjesë e setit të produkteve Gifi Box “Hunter x Hunter”

Dhuratë si kjo ka shumë vlerë për një fans të Hunter-it. Mbajtëse Celësash Hunter x Hunter ndodhet në dyqanin e dhuratave The Giftery si një pjesë e koleksionit tonë të Manga. Shumë personazhe të tjerë do shtohen vazhdimisht. Disa nga personazhet e momentit janë:

Isaac Netero – ishte Kryetari i 12-të i Shoqatës së Gjuetarëve dhe Kreu i Komisionit të Provimeve. Në rininë e tij, ai u lartësua si përdoruesi më i fuqishëm i Nen-it në botë dhe ruajti forcë të tmerrshme edhe në pleqëri. Është padyshim një nga personazhet më të preferuar nga seriali.

Kur? Kur fillova të prisja që kundërshtari im të bënte lëvizjen e parë? Kur, me të vërtetë? U bë një rutinë. Humbësi zgjati duart në shenjë mirënjohjeje për mësimin dhe unë pranova me dashamirësi pa lënë mënjanë asnjë goditje. Sikur të ishte ajo që doja! Kështu nuk duhet të jetë!! Për kaq shumë kohë, kërkova lartësinë e përsosmërisë. Ëndërroja të jepja zemrën dhe shpirtin tim për të luftuar një kundërshtar të pandalshëm! Unë jam një njeri me fat. Unë jam mirënjohës për gjithçka që më çoi në këtë pikë … që më çoi tek ju! – Isaac Netero për Meruem (në monolog)

King Meruem – është antagonisti kryesor i harkut Chimera Ant në serialin anime/manga Hunter × Hunter. Ai është pasardhësi më i fuqishëm i Mbretëreshës Chimera Ant dhe Mbreti i Milingonave Chimera. Nëse do kishte një personazh negativ që do të bënte për vete, Meruem është ai. Aq shumë sa do besoje që një milingonë (me instikte kafshërore) mund të dukej në ndjenja dhe logjikë më shumë si një njeri dhe do kishte në shoqëri të njëjtin status si një njeri.

Kush jam unë? Pse jam këtu? Një mbret pa emër. Një kështjellë e huazuar. Subjektet e mia janë drone pa mendje. Nëse ky është mandati i parajsës që më është dhënë… nuk kam frikë… nuk kam frikë nga asgjë… përveç lodhjes që do të sjellë – King Meruem